كام مرة اتريقتوا على اى حد !!!

كام مره اختي قعدتي انت وصحاباتك تتريقوا علي شكل صاحبتكم فلانه ؟؟ :(

وكام مره اخي قعدت انت وصحابك تتريقوا علي عين ولا شعر صاحبكم فلان؟؟ :(

وكام مره اختي اتريقتي علي جارتك فلانه علشان رفيعه وعلي علانه علشان تخينه؟؟ :(

وكام مره اخي اتريقت علي جارك فلان علشان طويل وعلي علان علشان قصير؟؟ :(

طيب انا او انت او انتي حد مننا يقدر يخلق حتي نمله؟؟؟

طبعا لاء منقدرش وكمان منملكش في نفسنا اي حاجه :(

وبعدين ربنا سبحانه وتعالي قالنا متتريقوش علي حد لان ممكن اللي انت شايفه مش حلو

او في حاجه في شكله مش عاجباك ده يكون عند ربنا سبحانه وتعالي احسن منك

ايوه ممكن يكون احسن منك بخلقه او علمه او دينه

يقول تعالي

يَا أَيُّهَا الَّذِينَ آمَنُوا لَا يَسْخَرْ قَوْمٌ مِّن قَوْمٍ عَسَىٰ أَن يَكُونُوا خَيْرًا مِّنْهُم...ْ وَلَا نِسَاءٌ مِّن نِّسَاءٍ عَسَىٰ أَن يَكُنَّ خَيْرًا مِّنْهُنَّ وَلَا تَلْمِزُوا أَنفُسَكُمْ وَلَا تَنَابَزُوا بِالْأَلْقَابِ بِئْسَ الِاسْمُ الْفُسُوقُ بَعْدَ الْإِيمَانِ وَمَن لَّمْ يَتُبْ فَأُولَٰئِكَ هُمُ الظَّالِمُونَ

الحجرات: ١١

وكمان ربنا سبحانه وتعالي قال (لقد خلقنا الإنسان في أحسن تقويم)ا

يعني لما بتتريق علي حد ومش عاجبك شكله يبقي كأنك بتعترض علي كلام ربنا سبحانه وتعالي:(

انا طبعا عارفه انو محدش مننا بيبقي قصده خالص الاعتراض علي كلام ربنا واننا بناخدها هزار وتهريج

بس في حاجات مينفعش نعديها كده من غير ما ناخد بالنا من كلامنا وافعالنا فيها :)

يبقي من هنا ورايح يا شباب ناخد بالنا من هزارنا ومنتريقش علي حد خالص :)

وكمااان خلوا بالكم اوي من التريقه علي اسامي او القاب بعض

مش طول ما احنا قاعدين نتريق علي اسم فلانه ولا اسم ابو علان ولا لقب جد واحد من الجيران :D

وربنا كمان بيقولنا ان ده يعتبر معصيه وذنب لازم نتوب منهم وننوي اننا منكررهمش تاني ان شاء الله

علشان منبقاش من الظالمين اللي يستحقوا العقاب والحساب ولعياذ بالله

يبقي نجدد يتنا يا شباب ويا بنات وخصوصا واحنا في الوقت الجميل ده :)

اللي ربنا سبحانه وتعالي بيتنزل لينا فيه ويقولنا هل من تائب ؟؟ هل من سائل لاعطيه ؟؟ هل من مستغفر؟؟

يلا نجدد نيتنا ونقوم نتوضا ونستعد لصلاه القيام :)

وننستغفر كتير ونتوب لربنا سبحانه وتعالي من ذنب السخريه من الاخرين ومن كل ذنب عملناه بقصد او بدون يقصد :)

وطبعا زي كل يوم واحنا ساجدين هندعي كتيير بكل اللي نفسنا فيه :)

لو أعجبك الكلام وافادك اضغط شير او مشاركة حتى يستفيد جميع أصدقائك ولا ننسي الدال على الخير كفاعله