فوقووووووا بقي
ايه الكلام اللي انتم بتقولوه ده
هو فيها ايه يعني لما شاب يحب بنت
و يحافظ عليها و ميخرجش معاها و لا يمسك ايدها
و فيها ايه لما مايقولش لحد على علاقتهم
ما ده ممكن يكون من خوفه على سمعتها
عشان محدش يقول عليها كلمة وحشة
فيها ايه يعني لما يتكلموا بعض و يسألوا على بعض
من غير ما يتعدوا حدود لله و في إطار المسموح
فيها ايه لما حبهم ده يكون حب في الله
و بيعينوا بعض على حاجات كتيرة
و على طاعة ربنا
فيها ايه يا جماعة
كفاية تعقيد للامور
ــــــــــــــــــــــــــ
فعلا كفاية تعقيد و انا هاحلها ببساطة جدا
باذن الله
فيها ايه لما الشاب يحب البنت و يحافظ عليها
فيها انه بيشغلها بحاجة تانية غير اللي ربنا خلقهم عشانها
فيها انه بيفتح ابواب للشيطان و بيتبع خطواته
فيها ان في ده تحقيييير للذنب
و الرسول صلى الله عليه و سلم قال:
"إياكم ومحقرات الذنوب فإنها تجتمع على العبد حتى تهلكه".
احنا فاكرينه ذنب بسيط
نستصغر المعاصي
و ننسى عظمة من نعصى
{..وَتَحْسَبُونَهُ هَيِّنًا وَهُوَ عِنْدَ اللَّهِ عَظِيمٌ} [النور: 15]
فيها ان في ده مجآآآآاهرة بالمعاصي
و الرسول صلى الله عليه و سلم قال:" كل أمتي معافى الا المجاهرين"،
و المجاهر انسان مُصِر على المعصية،
كأنه معملش حاجة تغضب ربنا
فيها ايه لما ميقولش لحد على علاقتهم
فيها خيانه للاهل
خيانة للاب اللي سهر عشان يكبر بنته
و يعيشها مرتاحة
خيانة للام اللي شقيانة طول اليوم
عشان بنتها تزاكر و تجيب الشهادة
فيها ايه لما يتكلموا مع بعض
فيها ان دي اسمها خلوة
و مهما حاولوا يكون كلامهم عادي
الاشيطان بيفضل معهم لحد لما يغويهم
و فيها ايه لما يعينوا بعض على الطاعات
فيها ان اللي بيعين على الطاعة
بيعين برضه على ترك المعصية
مين بقى اللي لازم يفوق بقى؟
تخيل يا اخي و يا اختي و انتم بتتكلموا مع بعض
فجأة جاءت سكرة الموت
و عندكم فرصه ساعة عشان تتوبوا من المعاصي
(طبعا مش هتكون)
كنت لسه هتكلمها ؟؟
كنتي لسه هتكلميه؟؟
و الا كنتم هتتوبوا من كل المعاصي
و تستغفروا الله على كل الذنوب
صغيرة او كبيرة تعرفوها او متعرفوهاش؟
كل واحد يرد على نفسه
و ساعتها بس هيعرف اذا كانت الصحوبية دي
و العلاقة دي ترضي ربنا و الا لا.
أعجبكم محتوي الموضوع؟
(Share) إعملوا
مشاركة في الخير
ليست هناك تعليقات:
إرسال تعليق